細女出世了!!!－杏仁的私家屋

過咗預產期一日...
今朝9:30am返瑪麗復診...
毫無動靜...
醫生比咗催生期我: March 28, 2015..

走人同爸媽飲茶啦........... 點知...................
開始肚痛+硬
以為宮縮啦
都十分鐘一下

返屋企時開始痛密咗
要慢慢行

但係無諗過係陣痛先
以為係見紅（好似一仔咁）/ 穿水

返到屋企諗住瞓低休息下
痛到瞓唔到
好肚痛... 急又去唔到...
大概五分鐘一次
開始覺得唔妥

又驚係false alarm要我出院喎
唔理得咁多啦

同老公講
佢仲話講埋個電話先
我都痛到唔想理佢!!!

拎好野飛的的入院
越急就越接唔到的士!
（企係條街到接唔到的士真係好驚會係條街到生。。。）
越急條路就好塞車!!
（個的士佬重驚過我。。。ahhaha。。。我面容扭曲。。。）
越急醫院㗎升降機就越耐等咗10分鐘!!!!!!
（係lobby真係頂唔順。。後面個姑娘見到我都用一個"唔知點好"既樣望注我）
一去到K9S見到條hallway就諗起當年2012
見到D準媽媽好痛。。。喊哂。。。
唔理啦
直衝入去登記
個姑娘問我好多問題
我痛到出唔到聲
佢即刻問我第幾胎
我話:2!!!!!!!!!!!
佢即刻話得得得!!! 去床check下
一坐低
就穿水+見紅。。開到6度。。。<真係唔敢想像如果遲多少少真係會係升降機／的士入面生>
當時3:47pm
推我入產房
又係發顛加喪聞笑氣時候!!!!!!!!
好急又唔比我出力既moment真係好X辛苦
唔比push之下忍唔到真係都要push下。。。舒服少少
助產仕又係我發顛既時候要我睇同agree同sign this and that。。。
到出得力既時候。。。
真係PUSH4下。。。
大概6：00pm阿女就出世了
今次真係順產啦（生一仔因為要KIM。。。係輔助唔算順產喎。。WUWUW）
老公第一次剪臍帶因為上次情況緊急